გასაფერადებელი ანბანი

 

ბლოგის შესახებ

  ჩემ მიერ შექმნილი ბლოგი საგანმანათლებლო ხასიათისაა.  მოიცავს ისეთ საკითხებსა და რესურსებს რომელიც დაეხმარება მოსწავლეებს, მშობლებსა და მასწავლებლებს დაწყებით საფეხურზე სწავლა-სწავლების უკეთ წარმართვაში.

    ბლოგის ინტერ ფეისზე,  ჰორიზონტალურად,  კატეგორიების სახეთ წარმოდგენილია, როგორც ჩემ მიერ შექნილი რესურსები, ასევე საინტერესო მასალები  და ვებ-გვერდები, დაწყებით საფეხურზე სწავლების მეთოდოლოგიასა და მიდგომებთან დაკავშირებით.
ვერტიკალურ სვეტებზე წარმოდგენილია საჭირო ჰიპერბმულები. ( ბლოგის თარჯიმანი, ხანის აკადემია და სხვა)
ჰორიზონტალური კატეგორიების ბოლოს კი მოცემულია გამოკითხვა.

თოვლი და ენძელა

თოვლი და ენძელა

   ლიამ და მანანამ დედიკოს პაწაწინა კალათით ენძელები მიართვეს.
     გმადლობთ, ჩემო კუდრაჭებო, - გაუღიმა დედამ და ჰკითხა, თოვლისა და ენძელას ზღაპარი თუ იცითო?
     ბავშვებმა არ იცოდნენ და დედამ უამბო:
წინათ თოვლი უფერო იყო. ამიტომ ბალახთან მივიდა და სთხოვა:
  მწვანე ბალახო შენი ფერი მომეციო! ბალახმა ტუჩი აიბზუა და უკმეხად მიუგო:  გზას ბარაქა დააყარეო!
   მერე იასთან მივიდა:  საყვარელო, ცისფერთვალა ია, ბალახმა უარით გამომისტუმრა და იქნებ, შენ მაინც მომცე შენი ფერიო! იამ ჩაიღიმა და უარით გაისტუმრა.
არც ყაყაჩომ დაუთმო თავისი ფერი. ბოლოს თეთრ ენძელას ეწვია და შესჩივლა:
არც ბალახმა, არც იამ, და არც ყაყაჩომ თავისი ფერი არ მომცეს. მე ხომ ფერი არ მაქვს, უფერული ვარ, იქნებ შენ მაინც შემისრულო სურვილიო.
-ინებე ჩემი ფერიო! უპასუხა ენძელამ.
  ჰოდა, ახლა თოვლი თეთრია. იგი სხვა ყვავილებს ემტერება და ენძელასთან მეგობრობს.
ამიტომ არის ენძელა გაზაფხულის პირველი ყვავილი. იგი თოვლშივე ახელს ხოლმე თვალს.

ნათელა და ციცინათელა

ნათელა და ციცინათელა

  დედამ პატარა ნათელა სოფელში წაიყვანა. ყველაფერი მოეწონა იქ ნათელას: მწვანე ველი, პეპლები, ყვავილები, მაგრამ ყველაზე უფრო მეტად ციცინათელა მოეწონა.
-ანათებს! -ანათებს! გაიძახოდა ნათელა და დასაჭერად დასდევდა.
   სდია, სდია და ბოლოს ერთი დაიჭირა. ხელის გულზე დაისვა და შეუბერა:
  -ფუუ, -ფუუ, ჩაქრი! ირგვლივ ყველამ გაიცინა. ნათელასაც გაეცინა: მიხვდა, რომ ციცინათელა არ დასწვავდა.